دانیشتوانی ئەهواز ڕژانە سەر شەقام

١٣٩٥/١١/٢٦ - ١٤-٠٢-٢٠١٧ - ١٢:٠٤ تارانچاپكردنی ئه‌م بابه‌ته‌ژماره‌ی بینینی بابه‌ت٦٢٤ قه‌باره‌ی فۆنت: قه‌باره‌ی نووسراوه‌ گه‌وره‌ بكه‌قه‌باره‌ی نووسراوه‌ بچووكتر بكه‌‌

دانیشتوانی ئەهواز ڕژانە سەر شەقامئاژانسی کوردپا: بە هۆی قەیرانی خۆڵبارین لە پارێزگای ئەهواز، خۆپیشاندانی ناڕەزایەتییان بەڕێوە برد و نوێنەرانی پێشووی ئەو پارێزگایە لە مەجلیس، داوایان کرد کە وەزیری وزه لە سەر کار لابرێت.

بەپێی ڕاپۆرتی گەیشتوو بە ئاژانسی هەواڵدەریی کوردپا، هەزاران کەس لە دانیشتوانی پارێزگای ئەهواز دژی سیاسەتەکانی حکوومەت ناڕەزایەتییان دەربڕی.

خۆپیشاندەران دروشمی دژی حکوومەتیان داوە و داوایان کردووە که بەرپرسانی حکوومەت لەو پارێزگایە دەست لە کار بکێشنەوە.

هەروەها خۆپیشاندەران باسیان لەوە کردووە کە؛ حکوومەتی ئێران مافی هاووڵاتییانی ئەو پارێزگایە پێشێل و هەڵاواردن دەکات.

سەرەتای ئەم حەوتوویه به هۆی بارینی تۆزوخۆڵی زۆر و شێداربوونی کەش و هەوای ئەو پارێزگایە، ژمارەیەک لە وێستگەکانی وزه لە کار کەوتوون و لە زۆربەی شارە گەورەکاندا کارەبا پچڕاوە.

نوێنەری ئابادان لە مەجلیس ڕایگەیاندووە کە؛ دۆخی شپرزەی پارێزگای ئەهواز لە لایەکەوە بۆ بارینی تۆز و خۆڵ و لە لایەکی دیکەوە بۆ سەرنیانەکردنەوەی دامەزراوەکانی ئەو پارێزگایە دەگەڕێتەوە.

بەرپرسانی حکوومەتی لەو پارێزگایه باس لەوە دەکەن کە؛ بە هۆی پیس‌بوونی کەش و هەوای ئەو پارێزگایه ڕۆژانه ٢٠ هەزار کەس ڕەوانەی نەخۆشخانەکان دەکرێن که دەفرایەتی ئەو ڕێژه نەخۆشەیان نیه.

کێشەی تۆزوخۆڵ لەو پارێزگایە هەنووکە هەڕەشەیەکە بۆ سەر تەناهیی نەتەوەیی ئەو حکومەتە.

هەواڵدەرییە حکوومەتییەکان پێشتر بڵاویان کردبووەوە کە؛ تاڵاوی هورۆلعەزیم لە پارێزگای خوزستان وشک بووە و ئەوەش بووەتە هۆی ئەوەیکە بارینی تۆز و خۆڵ لەو پارێزگایە زیاتر بێت و کێشە بۆ دانیشتوانی دروست بکات.

تاڵاوی هورۆلعەزیم یەکێک لە گرینگترین ژینگەکانی باڵندەکانی ناوچەکەیە و هەروەها ڕۆڵێکی بنەڕەتیی لە سەر بژیوی ژیانی هاووڵاتییان هەبووە.

بەشێک لە کێشەی تۆزوخۆڵ بۆ ووشکبوونی زونگاوەکانی ئەو وڵاتە دەگەڕێتەوە که بەرپرسانی حکوومەت بۆ چارەسەرکردنی ئەو قەیرانەی ژینگە هیچ هەنگاوێکیان هەڵنەهێناوەتەوە و هەروەها جیا لە قەیرانی تاڵاوەکان، ئێران لە باری وشکیی گۆلەکانەوە لە دۆخێکی نالەبار دایە.
Balatarin

نوێترین هەواڵ


١٣٩٨/٠٤/٢٤ - ١٥-٠٧-٢٠١٩ - ١٣:٣٦ تاران

سێ هاووڵاتی لە شاری "سایین ‌قەڵا" دەسبەسەر کران

١٣٩٨/٠٤/٢٤ - ١٥-٠٧-٢٠١٩ - ١٣:١٢ تاران

کۆڵبەرێکی کورد لە "دۆڵەبیـ"ـی سەردەشت گیانی لەدەست دا

١٣٩٨/٠٤/٢٤ - ١٥-٠٧-٢٠١٩ - ١١:٢٣ تاران

چوار هاووڵاتیی کورد لە مەریوان دەسبەسەر کران

١٣٩٨/٠٤/٢٣ - ١٤-٠٧-٢٠١٩ - ١٧:١٧ تاران

هاووڵاتییەکی کورد لە "سایین قەڵا" دەستبەسەر کرا

١٣٩٨/٠٤/٢٣ - ١٤-٠٧-٢٠١٩ - ١٧:٠٨ تاران

کۆڵبەرێکی کورد لە سنووری "خۆیـ"دا بریندار بوو

١٣٩٨/٠٤/٢٣ - ١٤-٠٧-٢٠١٩ - ١٢:٠٤ تاران

هونەرمەندێکی کورد زێدی خۆی بەجێهێشت

١٣٩٨/٠٤/٢٣ - ١٤-٠٧-٢٠١٩ - ١١:١٤ تاران

دەسبەسەرکردنی هاووڵاتییەک لە شاری شنۆ

١٣٩٨/٠٤/٢٢ - ١٣-٠٧-٢٠١٩ - ١٩:٢٦ تاران

دەسبەسەر کردنی لاوێکی تەمەن ٢٤ ساڵە لە مەهاباد

١٣٩٨/٠٤/٢٢ - ١٣-٠٧-٢٠١٩ - ١٣:٠٤ تاران

لاوێکی تەمەن ٢٤ ساڵ، کۆتایی بە ژیانی خۆی هێنا