پێنج ئێرانی لە توركیە دەستبەسەر كران

١٣٩٥/٠٤/٠٥ - ٢٥-٠٦-٢٠١٦ - ١٢:٣٢ تارانچاپكردنی ئه‌م بابه‌ته‌ژماره‌ی بینینی بابه‌ت١٥٦٦ قه‌باره‌ی فۆنت: قه‌باره‌ی نووسراوه‌ گه‌وره‌ بكه‌قه‌باره‌ی نووسراوه‌ بچووكتر بكه‌‌

پێنج ئێرانی لە توركیە دەستبەسەر كرانئاژانسی كوردپا: پێنج هاوڵاتیی ئێرانی بە تۆمەتی كەڵك وەرگرتن لە پاسپۆرتی ساختە و قاچاخی شتومەك لە شارەكانی وان و ئێزمیری توركیە دەستبەسەر كران.

هەواڵدەریی ئاناتۆلیی توركیە ڕۆژی شەممە ڕایگەیاند هاوڵاتییەكی ئێرانی (٢٠ سالە) بە ناوی H.V.S كە هەوڵی دەدا بە پاسپۆرتی ساختەی وڵاتی مەجارستان، لە ڕێگەی فڕۆكەخانەی نێودەوڵەتیی "عەدنان موندەریس"ی ئیزمیرەوە بەرەو لەندەن بڕوات، دەستبەسەر كراوە.

هەروەها پۆلیسی ئیستانبۆڵ لە هەڵمەتێكی پشكنیندا دوو ئێرانیی دەستبەسەر كرد. دەوترێت ئەو دوو ئێرانییە كۆمەڵێك پاسپۆرتی وڵاتە جۆراوجۆرەكانی ئورووپا، دەزگای چاپی ڤیزا و مۆری پلاستیكیی تایبەت بە ساختەكردنی بەڵگەنامەیان پێ بووە.

لە هەڵمەتێكی دیكەدا پۆلیسی پارێزگای سنووریی وان، ٢١ كەسی دەستبەسەر كرد كە ٤ كەس لەوانە هاوڵاتیی ئێرانی بوون.

ئەو كەسانە بڕێكی زۆر دەرمانی قاچاخ، دوو هەزار و ٣٥٨ دەزگا مۆبایل، یەك كیلۆ و ٧٠٠ گرەم كەستەك (شمش)ی زێڕ و ٥٧ هەزار پاكەت سیگاری قاچاخیان پێ بووە.

پۆلیسی وان دوابەدوای بەدەستهێنانی زانیاریی پێویست لەسەر هەناردنی قاچاخیی بڕێكی زۆری دەرمان لە وانەوە بۆ ئێران، ئەو هەڵمەتەیان دەست پێ كردووە و لە پشكنینی هۆتێلی شوێنی نیشتەجێبوونی ئێرانییەكاندا بۆی دەركەوتووە كە ئەو بڕە دەرمانە بە بێ مۆڵەتی پزیشكی لە دەرمانخانە جۆراوجۆرەكانی شاری وان دابین كراوە. نرخی ئەو دەرمانانە دەگاتە زیاتر لە دوو میلیۆون لیری تورك (نزیك بە ٥/٢ میلیارد تمەن). لەو هەڵمەتەدا ١٥ كەس دەستبەسەر كراون كە دوو كەس لەوانە ئێرانی بوون.

پۆلیسی فڕۆكەخانەی وان هەروەها دوو ئێرانیی دەستبەسەر كردووە كە ویستوویانە لە "وان" بەرەو ئیستانبۆل بڕۆن. ئەو دوو كەسەش یەك كیلۆ و ٧٠٠ گرەم كەستەكی زێڕی قاچاخیان پێ بووە كە لە لایەن پۆلیسەوە دەستی بە سەردا گیراوە.
Balatarin

نوێترین هەواڵ


١٣٩٨/٠٦/٠٢ - ٢٤-٠٨-٢٠١٩ - ١٢:٠٥ تاران

چالاکێکی مەدەنیی کورد دەسبەسەر کرا

١٣٩٨/٠٦/٠١ - ٢٣-٠٨-٢٠١٩ - ١٤:١٣ تاران

ئێران چەکێکی نوێی لەیزریی دروست کرد

١٣٩٨/٠٦/٠١ - ٢٣-٠٨-٢٠١٩ - ١٤:٠٧ تاران

کۆڕێک لەژێر ناوی "سیاسەت و بیرەوەری" بەڕێوەچوو

١٣٩٨/٠٥/٣١ - ٢٢-٠٨-٢٠١٩ - ١٧:٢٥ تاران

کرێکارێکی بۆکانی لە شاری "چوار بورج" خنکا

١٣٩٨/٠٥/٣١ - ٢٢-٠٨-٢٠١٩ - ١٢:١٧ تاران

"محەممەد نەزەری" نامەیەکی بڵاو کردەوە

١٣٩٨/٠٥/٣١ - ٢٢-٠٨-٢٠١٩ - ١٢:٠٨ تاران

کتێبفرۆشیی "هەنار" لە شاری ئیلام داخرا

١٣٩٨/٠٥/٣١ - ٢٢-٠٨-٢٠١٩ - ١١:٣٤ تاران

هاووڵاتییەکی کورد لە شاری سنە دەسبەسەر کرا

١٣٩٨/٠٥/٣٠ - ٢١-٠٨-٢٠١٩ - ١٧:٤٩ تاران

هاووڵاتییەکی دیکە لە شاری دەماوەند دەسبەسەر کرا

١٣٩٨/٠٥/٣٠ - ٢١-٠٨-٢٠١٩ - ١٢:١٢ تاران

هەڵەی پزیشکی، گیانی ژنێکی دووگیانی ئەستاند

١٣٩٨/٠٥/٢٩ - ٢٠-٠٨-٢٠١٩ - ١٣:١٠ تاران

سێ هاووڵاتیی کورد لە شاری دەماوەند دەسبەسەر کران

١٣٩٨/٠٥/٢٩ - ٢٠-٠٨-٢٠١٩ - ١١:٢٧ تاران

دوو لاوی مەریوانی دەسبەسەر کران