بەرموور ( ٣_ ٢٠١٦ ) : ڕاپۆرتی حەفتانەی ئاژانسی کوردپا سەبارەت بە پرسی ژنان

١٣٩٤/١١/٢٩ - ١٨-٠٢-٢٠١٦ - ١٧:٥٧ تارانچاپكردنی ئه‌م بابه‌ته‌ژماره‌ی بینینی بابه‌ت١٣٤٤ قه‌باره‌ی فۆنت: قه‌باره‌ی نووسراوه‌ گه‌وره‌ بكه‌قه‌باره‌ی نووسراوه‌ بچووكتر بكه‌‌

بەرموور ( ٣_ ٢٠١٦ ) : ڕاپۆرتی حەفتانەی ئاژانسی کوردپا سەبارەت بە پرسی ژنانبەرموور: حەفتەی سێهەمی فێبریەی ٢٠١٦ ( ٣_ ٢_ ٢٠١٦)

ئاژانسی کوردپا: ڕاپۆرتی ئەم حەفتەیەی بەرموور، ١ حاڵەتی پێشێلکردنی مافی ژنان لە کوردستان، کە بریتییە لە گیان لەدەست دانی ژنێک و ٧ حاڵەت پێشێلکردنی مافەکانی ژنان کە بریتییە لە دەرچوونی سزای زیندان و قامچی بۆ ٦ چالاکی مەدەنیی ژن، دانیشتووی تاران و ئازادکرانی ئاتێنا دایمی، لە شوێنەکانی دیکەی ئێران لەخۆ دەگرێت.

29577.jpg

کوردستان

ئیلام: هەڵەی پزیشکی بووە هۆی مردنی ژنێکی دوو گیان

29573.jpg
لەماوەی ڕابردوودا، ژنێکی دوو گیانی ئیلامی، دوای ئەوەی نەشتەرگەریی بۆ کرا، گیانی لەدەست دا.

بەپێی ئەو ڕاپۆرتانەی کە بڵاو بوونەتەوە، ئەو دایکە تەمەن ٣٢ ساڵانە کە دیارە بەهۆی هەڵەی پزیشکییەوە گیانی لەدەست داوە، لە نەخۆشخانەی "مستەفا خومەینی"ی شاری ئیلام چارەسەری بۆ کراوە.

ئەو دایکە ئیلامییە، چوارشەممەی دوو حەفتەی پێش و تەنیا چەند خولەک دوای نەشتەرگەری سزاریەن، گیانی لەدەست داوە.

دۆخی تەندروستی منداڵە کە بە ٨ مانگان لەدایک بووە، باش ڕاگەیەندراوە.

ئێران

دەرکردنی سزای ١٨ مانگ زیندان و ٤٤٤ زەربە قامچی بۆ ٦ چالاکی ژن

29574.jpg
لەماوەی ڕۆژانی ڕابردوودا، دادگای تاوانەکانی تاران، سزای زیندان و قامچیی بۆ ١٨ چالاکی مەدەنی دەرکرد، کە ٦ کەسیان ژن بوون.

بەپێی ئەو هەواڵانەی کە بڵاو بوونەتەوە، حوکمی دادگایی ١٨ چالاکی مەدەنی کە لە لقی ١٠٦٠ی دادگای تاوانەکانی تاران بەڕێوە چوو، ڕاگەیەندرا.

بەپێی ئەو حوکمە، هەر یەکەیان بە ٩١ ڕۆژ زیندان و لێدانی ٧٤ قامچی سزا دراون.

شەش کەسیان بەناوەکانی سیمین عەیوەزی، خەدیجە (لەیلا) غەفاری، ئەعزەم نەجەگی، پەروین سلێمانی، شەرمین یەمینی و سارا ساعدی، ژن بوون کە سەرجەم بە ١٨ مانگ و ٦ ڕۆژ زیندان و ٤٤٤ زەربە قامچی سزا دراون.

ئەو چالاکە مەدەنییانە ڕۆژی شەممە ٣٠ خەزەڵوەر، لە کۆبوونەوەیەکی ئاشتیخوازانە لە پێش دەرکی زیندانی ئێڤین بەشدارییان کردبوو و دەستبەسەر و دواتر بەدانانی بارمتە ئازاد کرابوون.

ئاتێنا دایمی ئازاد کرا

29575.jpg
لەماوەی ڕۆژانی ڕابردوودا، آتێنا دایمی، چالاکی مەدەنیی دانیشووی تاران، دوای ١٦ مانگ ڕاگیران لە زیندان، بە دانانی بارمتە ئازاد کرا.

بەپێی ئەو هەواڵانەی کە بڵاو بوونەتەوە، ئاتێنا دایمی تەمەن ٢٧ ساڵ، ڕێکەوتی ٢٩ی ڕەزبەری ساڵی ١٣٩٣ی هەتاوی، دەستبەسەر و ٨٦ ڕۆژ لە ژووری تاکەکەسی‏دا لێپرسینەوەی لێ کراوە.

ناوبراو لە ڕێکەوتی ٢٨ی بەفرانباری ١٣٩٣ی هەتاوی، دوای لێپرسینەوەکان گوازرایەوە بۆ بەندی ژنانی زیندانی ئێڤین .

ئاتێنا دایمی، بە تۆمەتی چلاکیی مەدەنیی ئاشتیخوازانە، پڕوپاگەندە دژی نیزام و کۆبوونەوەی نایاسایی دژ بە تەناهیی نەتەوەیی، بێ ڕێزی بە ڕێبەریی و بێ ڕێزی بە دامەزرێنەری ڕێژیمی ئێران، ١٤ ساڵ زیندانی بەسەردا سەپێندرا.

سەرچاوەکان:
ئاژانسی هەواڵدەریی کوردپا ( ١حاڵەت)
ماڵپەڕی "هێرانا" ( ١ حاڵەت)
کەمپەینی بەرگری لە زیندانیانی سیاسی و مەدەنی ( ٦حاڵەت)

ئامادەکار: شاهۆ
Balatarin

نوێترین هەواڵ


١٣٩٧/٠٩/٢٥ - ١٦-١٢-٢٠١٨ - ١٦:٥٤ تاران

کۆڵبەرێکی کورد لە سنووری پیرانشار بریندار بوو

١٣٩٧/٠٩/٢٣ - ١٤-١٢-٢٠١٨ - ١٢:٥٣ تاران

ڕنوو گیانی کۆڵبەرێکی ئەستاند

١٣٩٧/٠٩/٢٣ - ١٤-١٢-٢٠١٨ - ١١:٥٥ تاران

هاووڵاتییەکی کوردی خەڵکی شاری ورمێ دەسبەسەر کرا

١٣٩٧/٠٩/٢٣ - ١٤-١٢-٢٠١٨ - ١١:٤٧ تاران

کۆڵبەرێکی کورد لە سنووری خۆی بریندار بوو

١٣٩٧/٠٩/٢٢ - ١٣-١٢-٢٠١٨ - ١١:٣٥ تاران

دەسبەسەرکردنی چالاکێکی کرێکاریی کورد لە تاران