توركیه دژی دامه‌زراندنی ده‌وڵه‌تی خودموختاری كوردستانی توركیه‌یه‌

١٣٩٤/١٠/٠٨ - ٢٩-١٢-٢٠١٥ - ١٧:٣٤ تارانچاپكردنی ئه‌م بابه‌ته‌ژماره‌ی بینینی بابه‌ت١٠٥٨ قه‌باره‌ی فۆنت: قه‌باره‌ی نووسراوه‌ گه‌وره‌ بكه‌قه‌باره‌ی نووسراوه‌ بچووكتر بكه‌‌

توركیه دژی دامه‌زراندنی ده‌وڵه‌تی خودموختاری كوردستانی توركیه‌یه‌ئاژانسی كوردپا: ڕه‌جه‌ب ته‌یب ئه‌ردۆغان سه‌رۆك كۆماری ئیسلامخواز ـ پارێزكاری توركیه‌، ڕۆژی سێ شه‌ممه‌ داواكاریی خودموختاریی بۆ ناوچه‌ كوردنشینه‌كانی توركیه‌ی كه‌ له‌ لایه‌ن سه‌لاحه‌ددین ده‌میرتاش ڕێبه‌ری حیزبی دێموكراتیكی گه‌لان هاتووه‌ته‌ ئاراوه‌، به‌ خه‌یانه‌ت وه‌سف كرد. ئه‌ردۆغان پێش له‌ به‌جێهێشتنی توركیه‌ به‌ره‌و عه‌ره‌بستانی سعوودی، له‌ فڕۆكه‌خانه‌ی ئیستانبۆل له‌به‌رامبه‌ر هه‌واڵنێراندا زیادی كرد كه‌ لێدوانه‌كانی ده‌میرتاش كرده‌وه‌یه‌كی دنه‌ده‌رانه‌یه‌.

ناوبراو وتی: "به‌پێی چ مافێك ده‌توانن له‌ چوارچێوه‌ی پێكهاته‌ی یه‌كه‌ی ئێمه‌دا، باس له‌ دامه‌زراندنی ده‌وڵه‌تێك له‌ باشووری ڕۆژهه‌ڵات یان ڕۆژهه‌ڵات بكه‌ن؟"
سه‌رۆك كۆماری توركیه‌ هوشداری داوه‌ به‌ كورده‌كانی ئه‌م وڵاته‌ كه‌ نه‌ ئیراده‌ی نه‌ته‌وه‌یی و نه‌ هێزه‌كانی سوپای توركیه،‌ ئیزنی پێكهێنانی وه‌ها ده‌وڵه‌تێكی خودموختار ناده‌ن به‌ ئه‌وان.

ڕێبه‌ری حیزبی دێموكراتیكی گه‌لان سه‌ر به‌ كورده‌كانی توركیه‌، ڕۆژی یه‌كشه‌ممه‌ له‌ درێژه‌ی لێدوانێكدا وتی كه‌ كورده‌كانی توركیه‌ ده‌بێ بڕیار بده‌ن كه‌ گه‌لۆ ده‌خوازن له‌ ده‌وڵه‌تێكی خودموختاردا به‌رده‌وام بن یان له‌ ژێر سه‌ره‌ڕۆیی تاكێكدا بژین.

پاش ئه‌و لێداونه‌ی ده‌میرتاش، ده‌زگای دادی توركیه‌ دۆسیه‌یه‌كی بۆ ناوبراو به‌ تۆمه‌تی هه‌وڵدان دژی یاسای بنه‌ڕه‌تی كردووه‌ته‌وه‌.

له‌م مانگانه‌ی دواییدا ته‌نگه‌ژه‌ له‌ نێوان كورده‌كان و ده‌وڵه‌تی توركیه‌ زیادی كردووه‌. له‌ دوو حه‌وتوو پێش ئێستاوه‌، هێزه‌ سه‌ربازیی و ئه‌منییه‌كانی توركیه‌ ئۆپراسیۆنێكی بێ وێنه‌یان له‌ چه‌ند شاری توركیه‌ دژی گریلاكانی پارتی كرێكارانی كوردستان ده‌ست پێ كردووه‌ و تا ئێستا دوو سه‌د كه‌س له‌ هێزه‌كانی پارتی كرێكارانی كوردستانیان شه‌هید كردووه‌.

ڕه‌جه‌ب ته‌یب ئه‌ردۆغان ئه‌مڕۆ جه‌ختی كرده‌وه‌ كه‌ ئۆپراسیۆنی دژی كورده‌كان وه‌ك خۆی به‌ توندی به‌رده‌وام ده‌بێت.

ناوبراو وتی له‌ هاوینی ڕابردووه‌وه‌ تا ئێستا زیاتر له‌ ٣٠٠٠ چه‌كداری پارتی كرێكارانی كوردستان له‌ ئه‌نجامی ئۆپراسیۆنی سه‌ربازیی هێزه‌كانی توركیه‌ له‌ باشووری ڕۆژهه‌ڵاتی توركیه‌ و هه‌روه‌ها باكووری هه‌رێمی كوردستانی عێراق كوژراون.
Balatarin

نوێترین هەواڵ


١٣٩٦/٠٤/٠١ - ٢٢-٠٦-٢٠١٧ - ١٩:٠٥ تاران

ئیتلاعات چوار هاووڵاتیی لە شاری شنۆ دەستبەسەر کرد

١٣٩٦/٠٤/٠١ - ٢٢-٠٦-٢٠١٧ - ١٣:١٠ تاران

گەورەترین پڕۆژەی بۆژانەوەی گۆلی ورمێ داخرا

١٣٩٦/٠٤/٠١ - ٢٢-٠٦-٢٠١٧ - ١٣:٠٨ تاران

کوژرانی کۆڵبەرێک بە تەقەی هێزە نیزامییەکان

١٣٩٦/٠٣/٣١ - ٢١-٠٦-٢٠١٧ - ١٣:٠١ تاران

مامۆستایەکی خەڵکی شاری پیرانشار دەستبەسەر کرا

١٣٩٦/٠٣/٣٠ - ٢٠-٠٦-٢٠١٧ - ١٣:٢٢ تاران

ئەفسەرێکی ئەرتەشی خەڵکی شاری سەردەشت خۆی کوشت

١٣٩٦/٠٣/٣٠ - ٢٠-٠٦-٢٠١٧ - ١٣:١٩ تاران

ئاگر دارستانەکانی کوردستانی کردووەتە خۆڵەمێش

١٣٩٦/٠٣/٣٠ - ٢٠-٠٦-٢٠١٧ - ١٢:٢٣ تاران

شەش یەکەی بەرهەم هێنەر لە شاری بانە داخران

١٣٩٦/٠٣/٢٩ - ١٩-٠٦-٢٠١٧ - ١١:٤٧ تاران

٦ قوتابخانەی کانێکسی لە شاری دێولان بوونیان هەیە

١٣٩٦/٠٣/٢٨ - ١٨-٠٦-٢٠١٧ - ١٩:١٠ تاران

بە هۆی تەقینەوەی مین کۆڵبەرێکی کورد بریندار بوو