بەردەوامیی دۆخی ئەمنیەتی و نیزامی لە مەریوان و سەوڵاوا

١٣٩١/٠٦/١٢ - ٠٢-٠٩-٢٠١٢ - ١٢:٠٩ تارانچاپكردنی ئه‌م بابه‌ته‌ژماره‌ی بینینی بابه‌ت٧٢٩ قه‌باره‌ی فۆنت: قه‌باره‌ی نووسراوه‌ گه‌وره‌ بكه‌قه‌باره‌ی نووسراوه‌ بچووكتر بكه‌‌

بەردەوامیی دۆخی ئەمنیەتی و نیزامی لە مەریوان و سەوڵاوائاژانسی كوردپا: ماوەیەكە هێزێكی زۆری نیزامی بە چەكوچۆڵی قورسەوە لە شارەكانی سەوڵاوا و مەریوان و گوندەكانی دەورووبەری جێگیر كراون.

بەپێی راپۆرتی ئاژانسی هەواڵدەریی كوردپا، بەهۆی رەوشی نائاسایی ناوچەکە هێزە نیزامییەكانی حكوومەتی ئیسلامیی ئێران لە مەریوان و سەوڵاوا كۆ بوونەتەوە و لە حاڵەتی ئامادەباشی دان و زۆربەیان هێزی تایبەتن و لە شارە گەورەكانی ئێرانەوە رەوانەی ئەم ناوچەیە كراون و زۆرێك چەك و تەقەمەنیی قورسیان پێیە و لە گوند و ناوچە هەستیارەكان جێگیر كراون.

سەرچاوەیەكی ئاگادار لە مەریوانەوە بە هەواڵنێری ئاژانسی كوردپای راگەیاندووە، بە مەبەستی كۆنتڕۆڵ كردنی ناوچەكە سپای پاسداران و هێزە ئیتلاعاتییەكانی حكوومەت لە زۆربەی گوندەكانی سەرسنوور خاڵی پشكنینیان داناوە و گرتنەبەری رێوشوێنی توندوتۆڵی ئەمنیەتی ناوچەكەی داگرتووە.

هەنجیران، سەردۆش، سیاناو، دەربەندی دزڵی لە گوندی دزڵی، كارخانە ئیسفاڵتی نزیك گوندی گاڕان، دەرەوە و ناوەوی ناو شاری مەریوان ئەو گوند و شوێنانەن کە رێوشوێنی ئەمنیەتی و نیزامییان تێدا جێگیر کراوە.

سەرچاوەكە ئەوەشی ئاشكرا كردووە كە نائایی بوونی ناوچەكە و كەش و دۆخی نیزامی لە مەریوان و سەوڵاوا و ناوچەی هەورامان بوونەتە هۆی ئەوەی كە گەشتیار و شاخەوانانی شارەكانی دیكەی كوردستان و ئێران ئەمساڵ كەمتر روو بكەنە ئەو ناوچانە و ئەمەش خەسارێكی زۆری ماڵی لە خەڵك دەدات.

بەپێی زانیارییەکان لە ناوچە سەرسنووریەکانی قەسرشیرین، پاوە، سەردەشت، پیرانشار و شنۆ ئەم رەوشە ئەمنیەتییە لەلایەن هێزە نیزامییەکانی حکوومەتەوە رەچاو کراوە و لە٣٠٠ شوێنی ناوچە کوردنشینەکان پەدافەند و رادار و سەکۆی هاویشتنی مووشەکیان جێگیر کردووە.
Balatarin

نوێترین هەواڵ


١٣٩٨/٠٤/٢٧ - ١٨-٠٧-٢٠١٩ - ١٣:٢٩ تاران

"موختار زارعی" بە ساڵێک زیندانیی تەعزیری مەحکووم کرا

١٣٩٨/٠٤/٢٧ - ١٨-٠٧-٢٠١٩ - ١١:١٥ تاران

ماشینی ئێعدامەکان لە کوردستان وەکار کەوتووە

١٣٩٨/٠٤/٢٦ - ١٧-٠٧-٢٠١٩ - ١٣:٢٦ تاران

دەسبەسەرکردنی هاووڵاتییان لە کوردستاندا بەردەوامە

١٣٩٨/٠٤/٢٦ - ١٧-٠٧-٢٠١٩ - ١٢:٠١ تاران

ڕووداوی کار، گیانی هاووڵاتییەکی بۆکانیی ئەستاند

١٣٩٨/٠٤/٢٥ - ١٦-٠٧-٢٠١٩ - ١٧:٣١ تاران

ئازادکرانی چوار لاوی بەندکراوی کورد لە شاری سنە

١٣٩٨/٠٤/٢٥ - ١٦-٠٧-٢٠١٩ - ١٣:٠٠ تاران

ڕۆمانی "١١ خولەک"، لە بازاڕەکانی تورکیە کۆکرایەوە

١٣٩٨/٠٤/٢٥ - ١٦-٠٧-٢٠١٩ - ١١:٣٦ تاران

چالاکێکی فەرهەنگیی کوردی خوراسان، زێدی خۆی بەجێهێشت

١٣٩٨/٠٤/٢٤ - ١٥-٠٧-٢٠١٩ - ١٣:٣٦ تاران

سێ هاووڵاتی لە شاری "سایین ‌قەڵا" دەسبەسەر کران

١٣٩٨/٠٤/٢٤ - ١٥-٠٧-٢٠١٩ - ١٣:١٢ تاران

کۆڵبەرێکی کورد لە "دۆڵەبیـ"ـی سەردەشت گیانی لەدەست دا