لاریجانی: لە ئێران زیندانیی سیاسی بوونی نیە

١٣٩١/٠٤/٢٠ - ١٠-٠٧-٢٠١٢ - ١٩:٣١ تارانچاپكردنی ئه‌م بابه‌ته‌ژماره‌ی بینینی بابه‌ت٦٣٥ قه‌باره‌ی فۆنت: قه‌باره‌ی نووسراوه‌ گه‌وره‌ بكه‌قه‌باره‌ی نووسراوه‌ بچووكتر بكه‌‌

لاریجانی: لە ئێران زیندانیی سیاسی بوونی نیەئاژانسی كوردپا: وتەكانی نوێنەری مەجلیسی شۆرای ئیسلامیی ئێران لەمەڕ كێشە و گرفتەكانی كۆمەڵگا لەگەڵ دژكردەوە و هەڕەشەی محەممەدجەواد لاریجانی بەرەوڕوو بۆوە.

راگەیەنەكانی ناوخۆی حكوومەتی ئێران ماوەیەكە قسەكانی عەلی موتەهێری لەمەڕ "حیجاب و ئازادكردنی مەسەلە جینسییەكان لەسەر بڕیاری ئەحمەدی نژاد" بڵاو دەكەنەوە و ئەو لێدوانانە لەگەڵ پەرچەكرداری دادستانی گشتیی و ئینقلابی تاران بەرەوڕوو بۆتەوە.

ماڵپەڕی "ستادی مافی مرۆڤی دەزگای قەزایی" لە زاری "جەواد لاریجانی"یەوە بڵاوی كردەوە، ئەو كەسانەی كە لە نائارامییەكانی "جریان فتنە"‌ی 1388 دەستبەسەر كرابوون، ناچنە خانە و پێناسەی زیندانیانی سیاسییەوە.

ئەو لێپرسراوە لە پەرچەكردار بە قسەكانی موتەهێری لەمەڕ ئەوەی كە وتبووی لە ئێران لەگەڵ زیندانیانی سیاسی هەڵسوكەوتی نابەجێ‌ دەكرێ‌ وتی: ئەو قسانە هاوچەشنی هەڵویستەكانی ئەمریكا، دژە ئینقلاب و تیرۆریستەكان و دژی حكوومەتی ئێرانن.

هەر لەو پێوەندییەدا دادستانی شاری تاران لە بڕیارێكدا ئەو نوێنەرەی شاری تارانی بە بێحورمەتی كردن بە لێپرسراونی حكوومەت تاوانبار كردووە.

پێشتریش لە مانگی بانەمەڕدا عەلی موتەهێری سپای پاسدارانی بە دەست تێوەردان لە هەڵبژاردنەكانی مەجلیسدا تاونبار كردبوو.

بە وتەی غوڵامحوسێن ئیسماعیلی لێپرسراوی گشتیی زیندانەکانی ئیران هەتا کۆتایی سالی ١٣٩٠ ١٢٥٠ زیندانیی سیاسی لەناو زیندانەکانی ئێران بوونیان هەیە.

لە یاسا سزاییەکانی ئێراندا هێشتا دان بە بوونی زیندانیی سیاسی لە ئێراندا نەنراوە و ئەوانەی کە بەهۆی چالاکیی سیاسی و مەدەنی فەرهەنگی و مافی مرۆف دەستبەسەر دەکرێن تاوانی "ئەمنیەتی"یان دەدریتە پاڵ.
Balatarin

نوێترین هەواڵ


١٣٩٨/٠٥/٢٦ - ١٧-٠٨-٢٠١٩ - ١٢:١٩ تاران

٥ هاووڵاتی لە شاری پیرانشار دەسبەسەر کران

١٣٩٨/٠٥/٢٦ - ١٧-٠٨-٢٠١٩ - ١٢:١١ تاران

هاووڵاتییەکی کورد بۆ زیندانی ورمێ ڕاگوێزرا

١٣٩٨/٠٥/٢٥ - ١٦-٠٨-٢٠١٩ - ١١:٢٣ تاران

تەقینەوەی مین، چەند سەر ئاژەڵی ماڵیی کردە قوربانی

١٣٩٨/٠٥/٢٤ - ١٥-٠٨-٢٠١٩ - ١٧:٤٥ تاران

چارەنووسی سێ هاووڵاتیی کورد ناڕوونە

١٣٩٨/٠٥/٢٤ - ١٥-٠٨-٢٠١٩ - ١١:١٣ تاران

ماددەی سڕکەر، ساڵانە گیانی ٣ هەزار کەس دەستێنێت

١٣٩٨/٠٥/٢٣ - ١٤-٠٨-٢٠١٩ - ١٨:٣٤ تاران

کرێکارێکی ڕەبەتی بووە قوربانیی ڕووداوی کار

١٣٩٨/٠٥/٢٣ - ١٤-٠٨-٢٠١٩ - ١٢:٠٤ تاران

کاسبکارێکی کورد لە شاری سەردەشت بریندار بوو

١٣٩٨/٠٥/٢٢ - ١٣-٠٨-٢٠١٩ - ١٨:١٣ تاران

لێکۆڵەرێکی کورد لە شاری تاران دەسبەسەر کرا

١٣٩٨/٠٥/٢١ - ١٢-٠٨-٢٠١٩ - ١٨:٠٦ تاران

"سیرووس عەباسی" لە زیندانی قوروە ئازاد کرا