كلیسای "حەفتەوان"، ئاسەواری مێژوویی سەڵماس مەترسیی لەناو چوونی لەسەرە

١٣٩١/٠١/٢٧ - ١٥-٠٤-٢٠١٢ - ١٧:٥١ تارانچاپكردنی ئه‌م بابه‌ته‌ژماره‌ی بینینی بابه‌ت٦٦٤ قه‌باره‌ی فۆنت: قه‌باره‌ی نووسراوه‌ گه‌وره‌ بكه‌قه‌باره‌ی نووسراوه‌ بچووكتر بكه‌‌

كلیسای كوردپا: كلیسای "حەفتەوان" كە بە یەكێك لە ئاسەوارە مێژووییەكانی ناوچەی سەلماس دێتە ئەژمار، مەترسیی لەناو چوونی لەسەرە.

بەپێی هەواڵی گەیشتوو بە ئاژانسی هەواڵدەریی كوردپا، كلیسای "هەفتەوان" لە گوندی هەفتەوان هەڵكەوتووە و ئەو گوندە سەر بە بەخشی ناوەندی شارستانی سەڵماسە و لە سێ‌كیلۆمیتریی باشووری ئەو شارە هەڵكەوتووە و ئەو گوندە خاوەنی كۆمەلێك ئاسەواری مێژووییە و كلیسای "هەفتەوان" یەكێك لەو ئاسەوارە ناسراوانەی سەڵماس و تەنانەت ئێرانیشە.

4205.jpg
مێژووی ئەو كلیسایە دەگەڕێتەوە بۆ سەردەمی حكوومەتی سەفەوییەكان و رێكەوتی 19‌ی رەشەممەی ساڵی 1380 لە ریزی ئاسەوارە میللییەكانی ئێراندا تۆمار كراوە، بەڵام سەرەڕای ئەوەش لەحاڵی حازردا دیوارەكانی ئەو كلیسایە رووخاون و مەترسیی داڕمانیان لەسەرە.

بەشێكی دیكە لە كلیساكە بەهۆی شین بوونی چەندها جۆر گژ و گیا لەسەر دیوارەكانی تەپلەكیان كردووە و لە حاڵی رووخان دان.

هۆڵێكی تایبەت كە لەناو كلیساكە هەڵكەوتووە بناغەكەی لە بەرەبەری داڕووخان دایە و پێشبینی دەكرێ‌لە داهاتوویەكی نزیكدا كلیساكە تووشی داڕمان بێت.

لەلایەكی دیكەوە كەسانی هەلپەرست چەندین جار كەلوپەلی مێژوویی و ئاسەواری ناو كلیساكەیان دزیوە چەندین شوێنی ناو كلیساكەیان هەڵكەندووە.

4206.jpg

بە وتەی یەكێك لە پەیڕەوانی ئایینی مەسیح لە شاری سەلمَاس، "حكوومەتی ئیسلامیی ئێران بە ئەنقەست ئاسەواری مەسیحییەكان لەناو دەبات و ئەمە تەنیا "هەفتوان" ناگرێتەوە و كلیسای ئاوایی "ئاشناك"یش لەلایەن كەسانی سەر بە حكوومەتەوە تێكدراوە و زۆر خراپتریش لەو كلیسایە، بەڵام كێ‌هەیە كە بایەخ بەم شتانە بدات؟ یاساكانی حكوومەتی ئیسلامیی ئێران بێجگەلە یارمەتیی دان بە لەناو چوونی زیاتری ئەو ئاسەوارانە شتێكی دیكە نیە".
Balatarin

نوێترین هەواڵ


١٣٩٨/٠١/٣٠ - ١٩-٠٤-٢٠١٩ - ١٢:٣١ تاران

سێ هاووڵاتی بە ئێعدام مەحکووم کران

١٣٩٨/٠١/٢٩ - ١٨-٠٤-٢٠١٩ - ١٧:٣١ تاران

لاوێکی تەمەن ٢٤ ساڵ لە شاری مەهاباد دەسبەسەر کرا

١٣٩٨/٠١/٢٩ - ١٨-٠٤-٢٠١٩ - ١٦:٥١ تاران

هاووڵاتییەکی کورد کۆتایی بە ژیانی خۆی هێنا

١٣٩٨/٠١/٢٨ - ١٧-٠٤-٢٠١٩ - ١٦:٥١ تاران

سەرما گیانی سێ کوڵبەری ئەستاند

١٣٩٨/٠١/٢٧ - ١٦-٠٤-٢٠١٩ - ١٨:٣٩ تاران

جووتیارێکی مەریوانی بە تەقینەوەی مین لاقێکی قرتا