دروشمی "كۆبانی تەنیا نیە" سەرجەم كوردستانی گرتەوە+وێنە

١٣٩٣/٠٧/١٧ - ٠٩-١٠-٢٠١٤ - ١٦:٥٦ تارانچاپكردنی ئه‌م بابه‌ته‌ژماره‌ی بینینی بابه‌ت١٢٩٩ قه‌باره‌ی فۆنت: قه‌باره‌ی نووسراوه‌ گه‌وره‌ بكه‌قه‌باره‌ی نووسراوه‌ بچووكتر بكه‌‌

دروشمی \ئاژانسی كوردپا: زیاتر لە ١٢ شاری كوردستانی ئێران شایەتی خۆپیشاندانی هاووڵاتیان بە نیشانەی پشتیوانی لە خۆراگری كۆبانی، بوو.

بەپێی راپۆرتی ئاژانسی هەواڵدەریی كوردپا، لەماوەی یەك رۆژی رابردوودا و هەروەها ئەمڕۆ رێكەوتی ١٧‌ی رەزبەر، هەزارانی هاووڵاتیی كورد رژاونەتە سەر شەقامەكان و بە دەربڕینی بێزاری خۆیان لە تیرۆریزم، خوازیاری دژكردەوەی جیدی بەدژی داعش بوونە.

لەو كۆبوونەوانەدا وێڕای مەحكووم كردنی كردەوەكانی داعش، ناڕەزایەتی بە بێ‌هەڵوێستی حكوومەتی توركیەش دەربڕدراوە.

هەواڵنێری ئاژانسی هەواڵدەریی كوردپا باسی لە تێكهەڵچوونی هێزە نیزامییەكان لەگەڵ خۆپیشاندەران كردووە و هەروەها ئەوەشی خستۆتەڕوو ژمارەیەك هاووڵاتیی بریندار و دەستبەسەر كراون.

پیرانشار، سنە، مەریوان، سەردەشت، بۆكان، سەقز، كرماشان، پاوه، رەبەت، جوانڕۆ و مەهاباد و هەروەها تاران، تەورێز، هەمەدان و شیراز ئەو شارانەن كە خۆپیشاندان تێیاندا بەڕێوە چووە.

رۆژی رابردوو نزیك بە ٥٠ كەس لەلایەن گاردی تایبەتەوە دەستبەسەر و بۆ ماوەی چەند كاتژمێر لێپێچینەوەیان لێكراوە.

بەوتەی سەرچاوەیەك، سەرجەم دەستبەسەركراوەكانی مەریوان هەڕەشەی ئەوەیان لێكراوە كە نابێ‌خۆپیشاندان وەرێ‌بخەنەوە.

سنە و مەیدانی ئازادی ئەو شارەش شایەتی ناڕەزایەتی دەربڕین بە هەوڵەكانی "دەوڵەتی ئیسلامی" بووە.

خۆپیشاندانی هاووڵاتیان لەبۆكان، مەهاباد و رەبەتیش لەگەڵ دژكردەوەی هێزە نیزامییەكان بەرەوڕوو بۆتەوە و بە توندوتیژی كێشراوە.

بەوتەی كەسێكی ئاگادار، لەشاری بۆكان زیاتر لە ٢٠ هاووڵاتیی كورد دەستبەسەركراون و هیچ زانیارییەك لەچارەنووسیان نیە.

لەشاری "رەبەت"‌یش هەتا ئێستا دوو كەس بە بیانووی وەرێ‌خستنی خۆپیشاندان بەدژی داعش دەستبەسەر و رەوانەی گرتنگەی ئیتلاعاتی سەردەشت كراون.

دەوترێت كە لەجوانڕۆ، سەلەفییەكان هێرشیان كردۆتە سەر كافی‌نێت و شوێنی كۆبوونەوەی لاوان و وێڕای بێ‌رێزی كردن پێیان، دروشمی لایەنگری لە داعشیان وتووەتەوە.

رۆژی رابردووش كۆبوونەوە و خۆپیشاندانی لاوانی مەهاباد لەگەڵ تێكهەڵچوونی هێزە ئینتزامییەكان بەرەوڕوو بوویەوە و لە ئەنجامدا بڵاوە بە هاووڵاتیان كراوە.

رۆژی چوارشەممە رێكەوتی ١٦‌ی رەزبەر ژمارەیەك لەخوێندكاران و هاووڵاتیانی كوردی شاری تاران بە نیشانەی ئێعتراز بە كردەوەكانی داعش و كوشتاری خەڵكی بێتاوان لە بەر دەرگای دەفتەری رێكخراوی نەتەوەیەكگرتووەكان لەو شارە كۆبوونەوە و خۆپیشاندانیان بەڕێوە بردبوو.

دوایین زانیارییەكان باس لەوە دەكەن كە خۆپیشاندانی هاووڵاتیان لەهێندێ‌لەشارەكان بۆ رۆژی هەینی رێكەوتی ١٨‌ی رەزبەر ئامادەكاری بۆكراوە و لەو نێوەدا رۆژی هەینی شەقامی "كەرناچی" كرماشان شایەتی كۆبوونەوەی هاووڵاتیان دەبێت.

هەر بەپێی بەرنامەی لەپێشدا دارێژراو، شاری "شنۆ"‌ش پەیوەست بە وتنەوەی دروشمی كۆبانی تەنیا نیە، بووە.

هەواڵنێری كوردپا لەشاری بانەوە رایگەیاندووە، بڕیاری بەڕێوەبردنی خۆپیشاندانی ئەمڕۆی (پێنجشەممە) شاری بانە بە هۆكارێكی تایبەتەوە هەڵوەشاوەتەوە.

دروشمی سەرەكیی سەرجەم خۆپیشاندەران لە شارەكانی كوردستانی ئێران" كۆبانی تەنیا نیە" بووە.
پیرانشار
22543.jpg

22544.jpg


سەردەشت
22541.jpg

22542.jpg


رەبەت
22553.jpg


بۆکان
22537.jpg

22538.jpg


مەهاباد
22551.jpg

22550.jpg


سەقز
22569.jpg

22568.jpg


مەریوان
22536.jpg

22533.jpg


جوانرۆ
22552.jpg

22556.jpg


کرماشان
22549.jpg

22548.jpg


پاوه
22570.jpg

22571.jpg


تاران
22558.jpg

22557.jpg


شیراز
22545.jpg

22546.jpg


هەمەدان
22554.jpg

22555.jpg
Balatarin

نوێترین هەواڵ


١٣٩٨/٠٣/٢٦ - ١٦-٠٦-٢٠١٩ - ١٢:٥٧ تاران

سپای پاسداران، چەکوچۆڵ دەگوازێتەوە بۆ شاری کامیاران

١٣٩٨/٠٣/٢٥ - ١٥-٠٦-٢٠١٩ - ١٧:٣٤ تاران

زەوتکردنی کەلوپەلی کاسبکاران لە پاوەدا

١٣٩٨/٠٣/٢٥ - ١٥-٠٦-٢٠١٩ - ١٢:٤١ تاران

سێ کۆمەڵە کتێبی هۆنراوەی منداڵان بڵاوکرایەوە

١٣٩٨/٠٣/٢٤ - ١٤-٠٦-٢٠١٩ - ١٣:٠٤ تاران

ژنێکی لاوی کامیارانی کۆتایی بە ژیانی خۆی هێنا

١٣٩٨/٠٣/٢٤ - ١٤-٠٦-٢٠١٩ - ١٢:١٨ تاران

کارەباگرتوویی، گیانی کرێکارێکی کوردی ئەستاند

١٣٩٨/٠٣/٢٣ - ١٣-٠٦-٢٠١٩ - ١٣:٤٢ تاران

KMMK – G خوازیاری ئازادیی بێمەرجی "زارا محەمەدی" بوو

١٣٩٨/٠٣/٢٣ - ١٣-٠٦-٢٠١٩ - ١١:٣٢ تاران

مامۆستایەکی مەریوانی بە کەفاڵەت ئازاد کرا

١٣٩٨/٠٣/٢٢ - ١٢-٠٦-٢٠١٩ - ١٢:٢٥ تاران

کرێکارانی شارەداریی شنۆ مانیان گرتووە

١٣٩٨/٠٣/٢١ - ١١-٠٦-٢٠١٩ - ١١:٥٧ تاران

کاسبکارێکی کورد لە سەردەشتدا بریندار بوو