سێ کۆڵبەری کورد بە تەقەی هێزە نیزامییەکانی حکوومەتی ئیسلامیی ئێران بوونە قوربانی

١٣٩٣/٠٧/١٤ - ٠٦-١٠-٢٠١٤ - ١٢:٤٨ تارانچاپكردنی ئه‌م بابه‌ته‌ژماره‌ی بینینی بابه‌ت٩٩٩ قه‌باره‌ی فۆنت: قه‌باره‌ی نووسراوه‌ گه‌وره‌ بكه‌قه‌باره‌ی نووسراوه‌ بچووكتر بكه‌‌

سێ کۆڵبەری کورد بە تەقەی هێزە نیزامییەکانی حکوومەتی ئیسلامیی ئێران بوونە قوربانیئاژانسی کوردپا: لە ئەنجامی تەقەی هێزە چەکدارەکانی حکوومەتی ئیسلامیی ئێرانەوە، سێ کۆڵبەری کوردی خەڵکی شارەکانی مەهاباد و ورمێ، بە توندی بریندار بوون.

بەپێی راپۆرتی ئاژانسی هەواڵدەریی کوردپا، هێزە چەکدارەکانی حکوومەتی ئیسلامی لە ناوچەی میراوێی سەربە شاری سەردەشت، تەقەیان لە کۆڵبەرانی کورد کردو بەو هۆیەوە دوو کۆڵبەر بوونە قوربانی.

هەواڵنێری کوردپا لە شاری سەردەشت رایگەیاند، کۆڵبەرێک بەناوی حاجی رەحمان و دانیشتووی گەڕەکی بەری شیلانانی شاری مەهاباد، رێکەوتی ١٣ی رەزبەر، لە کاتی کۆڵبەریدا بە تەقەی هێزە چەکدارەکانی حکوومەتی ئیسلامی بریندار کراوە.

سەرچاوەیەکی ئاگادار بۆ هەواڵنێری کوردپای ئاشکرا کردووە، هاوکات کۆڵبەرێکی دیکەش بەناوی (رەحمان قەرەچۆم)، لە کاتی تەقەی ئەو هێزانەدا و لەبەر مەترسیی گیانی، خۆی لە رێگەکە فڕێ داوەتە خوارەوە و لاقێکی شکاوە.

هەروەها لە رووداوێکی دیکەدا و رێکەوتی ١١ی رەزبەر، کۆڵبەرێکی دیکەی کوردی خەڵکی ناوچەی ورمێ لە کاتی کۆڵبەریدا لەسەر سنووری نێوان تورکیا و ورمێ، بە دەستی هێزە چەکدارەکانی سوپای پاسداران بریندار کرا.

سەرچاوەیەکی ئاگادار بۆ هەواڵنێری کوردپا ئاشکرای کردووە، ئەو کۆڵبەرە کوردە لە نەخۆشخانەیەکی شاری ورمێ لەژێر چاوەدێریی پزیشکیدایە و باری تەندروستییەکەی ناجێگر راگەیەندراوە.

مەسعوود عیساپوور خەڵکی گوندی (ئەنبێ)ی سەربە تەرگەوەڕی ورمێ، ناوی ئەو کۆڵبەرە کوردەیە، کە بە تەقەی چەکدارانی سوپای پاسداران بریندار کراوە.
Balatarin

نوێترین هەواڵ


١٣٩٥/١٢/٠٤ - ٢٢-٠٢-٢٠١٧ - ١٢:٠٠ تاران

کرماشان/ چوار کرێکار تووشی سووتان بوون

١٣٩٥/١٢/٠٤ - ٢٢-٠٢-٢٠١٧ - ١١:٢٢ تاران

شیری ماوە بە سەرچوو، چوار قوتابی نەخۆش کرد

١٣٩٥/١٢/٠٣ - ٢١-٠٢-٢٠١٧ - ١١:١١ تاران

تەقینەوەی مین لە ئەهواز لاوێکی کردە قوربانی

١٣٩٥/١٢/٠١ - ١٩-٠٢-٢٠١٧ - ١٧:٤٢ تاران

تەقینەوەی مین کوژراو و برینداری لێکەوتەوە

١٣٩٥/١١/٢٩ - ١٧-٠٢-٢٠١٧ - ١٢:١٢ تاران

قەساسی سیاسییەکی کورد لە قوم یەکلایی کرایەوە

١٣٩٥/١١/٢٨ - ١٦-٠٢-٢٠١٧ - ١١:١٣ تاران

هەرەسی ڕنوو لە سیلوانا دوو هاووڵاتیی کردە قوربانی

١٣٩٥/١١/٢٧ - ١٥-٠٢-٢٠١٧ - ١٨:٢٠ تاران

سەرما و سۆڵ برستی کۆڵبەرێکی کوردی بڕی

١٣٩٥/١١/٢٧ - ١٥-٠٢-٢٠١٧ - ١٢:٤١ تاران

مادەی هۆشبەر لە ئێران ڕۆژانە گیانی ١٠کەس دەستێنێت