ئەشکەوتەکانی ئیلام، بە بەشداریی هاووڵاتییان خاوێن کرانەوە+وێنە

١٣٩٣/٠٧/٠٥ - ٢٧-٠٩-٢٠١٤ - ١٦:٥٥ تارانچاپكردنی ئه‌م بابه‌ته‌ژماره‌ی بینینی بابه‌ت٨٥٦ قه‌باره‌ی فۆنت: قه‌باره‌ی نووسراوه‌ گه‌وره‌ بكه‌قه‌باره‌ی نووسراوه‌ بچووكتر بكه‌‌

ئەشکەوتەکانی ئیلام، بە بەشداریی هاووڵاتییان خاوێن کرانەوە+وێنەئاژانسی کوردپا: دوو ئەشکەوتی سروشتی و گەشتیاری لە ئوستانی ئیلام، بە بۆنەی "رۆژی ئەشکەوتی پاک"، لەلایەن چالاکانی ژینگەپارێزیی کوردستانەوە خاوێن کرانەوە.

بەپێی راپۆرتی ئاژانسی هەواڵدەریی کوردپا، رۆژانی پێنج‌شەممە و هەینیی رابردوو، ژینگە دۆستان و شاخەوانانی کورد، زبڵی نێو دوو ئەشکەوتی دەوروبەری شارەکانی مێهران و ئیلامیان خاوێن کردەوە.

ئەو چالاکییە کە بە شێوەی بە کۆمەڵ بەڕێوەچووە، لە ئەشکەوتی "زنیەگان" لە ٥ کیلۆمیتریی بەخشی ساڵحاوای شارستانی مێهرانەوەو لەلایەن ٤٠ کەس لە ئەندامانی ئەنجومەنی شاخەوانیی ئوستانی ئیلامەوە خاوێن کرایەوەو رۆژی رابردووش ئەشکەوتی "برەزەرد" لە گوندی (پاکل گەراو)ی شارستانی ئیلامیان خاوێن کردەوە.

بەهۆی جیاوازیی ٥٠ پلەی سەدیی هەوای نێو ئەشکەوتی زنیەگان لەگەڵ هەوای دەرەوە، ناوی "ئەشکەوتی بەهەشت"یان لەسەر ئەو ئەشکەوتە داناوە.

هەروەها ئەشکەوتی برەزەرد، کەلە بەرزاییەکانی سەیوان کێو هەڵکەوتووە، گۆلاوێکی بچووک و سەدان کۆڵەکەی ئاهەکی و پەیکەرەی (ئیستالاکتیتی و ئیستالاگمیتی) تێدایە.

ئەو دوو ئەشکەوتە، بە بەشداریی ئەنجومەنی یاوەرانی ژینگەی زاگرۆس لەو زبڵ و پاشماوەی گەشتیاران و هاووڵاتییان خاوێن کراوەتەوە و ئامانجیشیان لەو کارە، "پاراستن و مانەوەی ژینگە و ئیکۆسیستمی ئەشکەوتەکان" بووە.

ئەمساڵ بە بۆنەی رۆژی ئەشکەوتی پاکەوە، ئەشکەوتەکانی زنیەگان و برەزەرد، وەکوو (پایلۆت PILOT)ی ئەو رۆژە دەستنیشان کراوە.

هاوکات لەگەڵ خاوێن کردنەوەی ئەو ئەشکەوتانەی ئوستانی ئیلام، لە ٩٨ ئەشکەوتی دیکەدا کۆری ئیکۆسیستم و ئەشکەوتەکان، پارێزگاری و هێشتنەوەییان بە بەشداریی ژینگەپارێزان و دۆستانی سروشت بەڕێوەچووە.
22302.jpg

22303.jpg

22305.jpg

22306.jpg

22308.jpg

22309.jpg

22310.jpg

22307.jpg

22311.jpg

22301.jpg
Balatarin

نوێترین هەواڵ


١٣٩٨/٠١/٠٥ - ٢٥-٠٣-٢٠١٩ - ١٨:٥١ تاران

دوو لاوی کورد لە شاری مەریوان دەسبەسەر کران

١٣٩٨/٠١/٠٤ - ٢٤-٠٣-٢٠١٩ - ١٣:٠٢ تاران

ڕووداوی هاتوچۆ گیانی چوار وەرزشوانی ئێرانی ئەستاند

١٣٩٨/٠١/٠٤ - ٢٤-٠٣-٢٠١٩ - ١٠:١٨ تاران

دوو چالاکی کرێکاری لە کرماشان و سنە دەسبەسەر کران

١٣٩٨/٠١/٠٣ - ٢٣-٠٣-٢٠١٩ - ١٢:١٩ تاران

لاوێک لە شاری دیواندەرە دەسبەسەر کرا

١٣٩٨/٠١/٠٢ - ٢٢-٠٣-٢٠١٩ - ١٠:٤٩ تاران

چالاکێکی مەدەنی لە شاری سنە، دەسبەسەر کرا