ئێران/لە شەش مانگی یەکەمی ئەمساڵدا ١٥ ژن لەسێدارە دراون

١٣٩٣/٠٦/٣١ - ٢٢-٠٩-٢٠١٤ - ٠٩:٥٥ تارانچاپكردنی ئه‌م بابه‌ته‌ژماره‌ی بینینی بابه‌ت١٢٩٠ قه‌باره‌ی فۆنت: قه‌باره‌ی نووسراوه‌ گه‌وره‌ بكه‌قه‌باره‌ی نووسراوه‌ بچووكتر بكه‌‌

ئێران/لە شەش مانگی یەکەمی ئەمساڵدا ١٥ ژن لەسێدارە دراونئاژانسی کوردپا: لەماوەی شەش مانگی یەکەمی ئەمساڵدا سزای لەسێدارەدانی ١٥ ژن لە زیندانەکانی وڵاتی ئێراندا بەڕێوە چووە.

بەپێی ئاماری تۆمارکراو لە ناوەندی ئاماری ئاژانسی هەواڵدەریی کوردپا، لە سەرەتای ئەمساڵی هەتاوییەوە (١٣٩٣) هەتا کۆتایی مانگی خەرمانان، ١٥ ژن لە زیندانەکانی زاهیدان، ورمێ، وەرامین، رەشت، ئامول، بیرجەند و کەرەج لەسێدارە دراون.

بەپشت بەستن بەو ئامارە، زیندانی ناوەندیی زاهیدان بە ٥ حاڵەت زیاترین حاڵەتی لەسێدارەدانی ژنانی تێدا تۆمار کراوە و زیندانەکانی بیرجەند و ورمێ بە ٤ حاڵەت و ٢ حاڵەت لە ریزی دووەم و سێیەمدان.

زیاترین حاڵەتی لەسێدارەدان لەمانگی خەرماناندا بووە

22228.jpg
نزیک بە یەک لەسەر سێی ئەو ژنانەی کە لەماوەی شەش مانگی یەکەمی ساڵی ٩٣ سزای سێدارەکەیان جێبەجێ کراوە، لەمانگی خەرماناندا لەسێدارە دراون.

لەمانگی خەرماناندا، سزای سێدارەی ٦ ژن لە بەندیخانەکانی زاهیدان، رەشت و قەرچەکی وەرامین جێبەجێ کراوە کە شووناسیان بۆ میدیاکان ئاشکرا نەبووە.

رۆژی یەکشەممە ٢٩ی پووشپەڕ، ٤ ژن لە زیندانی بیرجەند، کە شوناسیان رانەگەیەندراوە، بە تۆمەتی " بازرگانی بە ماددە سڕکەرەکان" لەسێدارە دران .

رۆژی یەکشەممە، رێکەوتی ١ی جۆزەردان، دو ژن لە زیندانی ناوەندیی شاری ورمێ بەناوەکانی "ئامینە توسەن" و "گوڵچین نوری" بە تۆمەتی "کڕین و فرۆشتنی مادە سڕکەرەکان" لەسێدارە دران.

هەروەها رێکەوتی ٧ی جۆزەردان، ژنێکی دیکە بەناوی کورتکراوی " س . ت" لە زیندانی ئامول لەسێدارە درا.

سەرلەبەیانی رۆژی شەممە ٢٠ی بانەمەڕ، ژنێک بەناوی "بێهجەت" و رۆژی شەممە ١٨ی گەلاوێژ ژنێکی دیکە کە شوناسی بۆ میدیاکان ئاشکرا نەبووە، لەزیندانەکانی رەجایی شاری کەرەج و زاهیدان لەسێدارە دران.

زۆربەی حاڵەتەکانی لەسێدارەدان بەهۆی کڕین و فرۆشتنی ماددە سڕکەرەکان بووە

بەپێی ئەو راپۆرتە، ١١ حاڵەت لەو حاڵەتانەی کە لەماوەی شەش مانگی یەکەمی ساڵی ٩٣دا تۆمار کراوە بەتۆمەتی "کڕین و فرۆشتنی ماددە سڕکەرەکان" و لە زیندانەکانی زاهیدان، بیرجەند و ورمێ و ٤ حاڵەتیش بە تۆمەتی "کوشتنی ئەنقەست" لە زیندانەکانی دیکە لەسێدارە دراون.

سزای لەسێدارەدانی ٤ ژن لەماوەی ١٠ رۆژدا و لەرێکەوتی ١٩ی خەرمانان هەتا ٢٩ خەرمانان، لەزیندانەکانی وەرامین، رەشت و زاهیدان جێبەجێ کراوە.

کەڵک وەرگرتن لەم راپۆرتە بە مەرجی ئاماژە بە سەرچاوەکەی (ئاژانسی کوردپا) رێگەپێدراوە.
Balatarin

نوێترین هەواڵ


١٣٩٨/٠٥/٣١ - ٢٢-٠٨-٢٠١٩ - ١٧:٢٥ تاران

کرێکارێکی بۆکانی لە شاری "چوار بورج" خنکا

١٣٩٨/٠٥/٣١ - ٢٢-٠٨-٢٠١٩ - ١٢:١٧ تاران

"محەممەد نەزەری" نامەیەکی بڵاو کردەوە

١٣٩٨/٠٥/٣١ - ٢٢-٠٨-٢٠١٩ - ١٢:٠٨ تاران

کتێبفرۆشیی "هەنار" لە شاری ئیلام داخرا

١٣٩٨/٠٥/٣١ - ٢٢-٠٨-٢٠١٩ - ١١:٣٤ تاران

هاووڵاتییەکی کورد لە شاری سنە دەسبەسەر کرا

١٣٩٨/٠٥/٣٠ - ٢١-٠٨-٢٠١٩ - ١٧:٤٩ تاران

هاووڵاتییەکی دیکە لە شاری دەماوەند دەسبەسەر کرا

١٣٩٨/٠٥/٣٠ - ٢١-٠٨-٢٠١٩ - ١٢:١٢ تاران

هەڵەی پزیشکی، گیانی ژنێکی دووگیانی ئەستاند

١٣٩٨/٠٥/٢٩ - ٢٠-٠٨-٢٠١٩ - ١٣:١٠ تاران

سێ هاووڵاتیی کورد لە شاری دەماوەند دەسبەسەر کران

١٣٩٨/٠٥/٢٩ - ٢٠-٠٨-٢٠١٩ - ١١:٢٧ تاران

دوو لاوی مەریوانی دەسبەسەر کران

١٣٩٨/٠٥/٢٨ - ١٩-٠٨-٢٠١٩ - ١٣:٠٧ تاران

قامکەکانی دەستی کۆڵبەرێک دەقرتێنرێت