ئازادیی زیندانییەکی کورد پاش ١١ ساڵ دەستبەسەری بە تۆمەتی هاوکاریی حیزبە کوردییەکان

١٣٩٣/٠٢/٣٠ - ٢٠-٠٥-٢٠١٤ - ١٣:١٠ تارانچاپكردنی ئه‌م بابه‌ته‌ژماره‌ی بینینی بابه‌ت٥٥٦ قه‌باره‌ی فۆنت: قه‌باره‌ی نووسراوه‌ گه‌وره‌ بكه‌قه‌باره‌ی نووسراوه‌ بچووكتر بكه‌‌

ئازادیی زیندانییەکی کورد پاش ١١ ساڵ دەستبەسەری بە تۆمەتی هاوکاریی حیزبە کوردییەکانئاژانسی کوردپا: هاووڵاتییەکی کوردی خەڵکی ناوچەی سنە، پاش ١١ ساڵ دەستبەسەری لە زیندانی ناوەندیی شاری سنە، ئازاد کرا.

بەپێی راپۆرتی ئاژانسی هەواڵدەریی کوردپا، مەسعوود حوسێن‌پەناهی خەڵکی گوندی "باوەرێز"ی سەربە شاری سنە، کە ١١ سال پێش ئیستا بە تۆمەتی هاوکاری لەگەڵ یەکێک لە حیزبە کوردییەکانی ئۆپۆزیسیۆنی حکوومەتی ئیسلامیی ئێران دەستبەسەر کرابوو، رۆژی شەممە رێکەوتی ٢٧ی بانەمەڕ لە زیندان ئازاد کرا.

20069.jpg
مەسعوود حوسێن‌پەناهی پێشتریش بە تۆمەتی هاوکاری لەگەڵ یەکێک لە حیزبە کوردییەکانی ئۆپۆزیسیۆنی حکوومەتی ئیسلامیی ئێران به ئیعدام مه‌حکووم کرا بوو
بە وتەی یەکێک لە نزیکانی بنەماڵەی حوسێن پەناهی، مەسعوود رێکەوتی ٢٦ی بانەمەڕی ساڵی ١٣٨٢ لەلایەن هێزە ئیتلاعاتییەکانەوە دەستبەسەر کرا.

ئەو زیندانییە کوردە، سەرەتا لەلایەن دادگای ئینقلابی شاری سنەوە حوکمی لەسێدارەدانی بۆ بڕایەوە و پاش ٣ ساڵ، حوکمەکەی بۆ زیندانی هەتاهەتایی گۆڕدرا.

مەسعوود حوسێن‌پەناهی تەمەن ٤٥ ساڵ و باوکی دوو منداڵە و لە رێگەی ئازادیی مەرجدارەوەو پاش ١١ ساڵ دەستبەسەری، لەزیندان ئازاد کراوە.

ئەو هاووڵاتییە کوردەی خەڵکی شاری سنە، پێشتریش بە دانانی بارمتە چەندین جار مەرەخەسیی پێدرابوو.
Balatarin

نوێترین هەواڵ


١٣٩٨/٠٤/٣٠ - ٢١-٠٧-٢٠١٩ - ١٧:٥٢ تاران

بارمتەی هاووڵاتییەکی کورد، بۆ فرۆش درا بە موزایدە

١٣٩٨/٠٤/٢٩ - ٢٠-٠٧-٢٠١٩ - ١٧:٥٩ تاران

ئاگرکەوتنەوەی دارستانەکانی ئیلام، ٨ ڕۆژە بەردەوامە

١٣٩٨/٠٤/٢٨ - ١٩-٠٧-٢٠١٩ - ١٣:٢٠ تاران

گواستنەوەی زیندانییەکی کورد بۆ زیندانی ورمێ

١٣٩٨/٠٤/٢٧ - ١٨-٠٧-٢٠١٩ - ١٣:٢٩ تاران

"موختار زارعی" بە ساڵێک زیندانیی تەعزیری مەحکووم کرا

١٣٩٨/٠٤/٢٧ - ١٨-٠٧-٢٠١٩ - ١١:١٥ تاران

ماشینی ئێعدامەکان لە کوردستان وەکار کەوتووە