دەزگای قەزایی لە تیکاب لەبەر چاوی خەڵک قامچی لە هاووڵاتییەک دا

١٣٩٣/٠٢/٢٧ - ١٧-٠٥-٢٠١٤ - ١٣:١١ تارانچاپكردنی ئه‌م بابه‌ته‌ژماره‌ی بینینی بابه‌ت٨٥٦ قه‌باره‌ی فۆنت: قه‌باره‌ی نووسراوه‌ گه‌وره‌ بكه‌قه‌باره‌ی نووسراوه‌ بچووكتر بكه‌‌

دەزگای قەزایی لە تیکاب لەبەر چاوی خەڵک قامچی لە هاووڵاتییەک دائاژانسی کوردپا: دەزگای قەزایی حکوومەتی ئیسلامیی ئێران بۆ جارێکی دیکە حوکمی قامچی لێدانی هاووڵاتییەکی کوردی لەو شارە و لە پێش چاوی خەڵک بەڕێوە برد.

بەپێی راپۆرتی ئاژانسی هەواڵدەریی کوردپا، سەرلە بەیانیی ئەمڕۆ شەممە رێکەوتی ٢٧ی بانەمەڕ، بە ئامادەبوونی دادستان و نوێنەری دادگوستەری و هەروەها فەرماندەکانی هێزی ئینتزامی و ئاگاهیی شاری تیکاب، کەسێک بەناوی "وەحید. چ" هاووڵاتیی کوردی دانیشتووی شاری تیکاب ٩٠ قامچی لێدرا.

هەواڵنێری کوردپا لە شاری تیکاب رایگەیاند؛ ئەو هاووڵاتییە کوردە، کە بە دەستدرێژیی جنسی تۆمەتبارە، ماوەی زیاتر لە ١ ساڵە لە زیندانی شاری تیکاب لە دەستبەسەری‌دایە.

نوێنەری دادستانی شاری تیکاب، کە لە کاتی بەڕێوەبردنی ئەو حوکمەی دەزگای قەزایی‌دا لە شوێنی قامچی لێدانەکە ئامادە بووە، گوتویەتی: "ئێمە لێرەوە هۆشداری ئەدەین بە لاوەکان، کە ئەگەر کردەوەی وەکوو ئەم تۆمەتبارە ئەنجام بدەن، تووشی ئەم سزا و چارەنووسە دەبن".

پێشتریتش لە رێکەوتی ٦ی خەزەڵوەری ساڵی رابردوودا کەسێکی خەڵكی شاری تیکاب بەناوی حوسێن خوسرەوی، کە بۆ چارەسەریی بەردی گورچیلە ئابجۆی بەکار هێنابوو، لەلایەن دەزگای قەزایی حکوومەتی ئیسلامیی ئێرانەوە بە تۆمەتی "شرب خمر (خواردنەوەی مەی)" ٨٠ زەربە قامچی لێدرابوو.
Balatarin

نوێترین هەواڵ


١٣٩٨/٠٦/٠١ - ٢٣-٠٨-٢٠١٩ - ١٤:١٣ تاران

ئێران چەکێکی نوێی لەیزریی دروست کرد

١٣٩٨/٠٦/٠١ - ٢٣-٠٨-٢٠١٩ - ١٤:٠٧ تاران

کۆڕێک لەژێر ناوی "سیاسەت و بیرەوەری" بەڕێوەچوو

١٣٩٨/٠٥/٣١ - ٢٢-٠٨-٢٠١٩ - ١٧:٢٥ تاران

کرێکارێکی بۆکانی لە شاری "چوار بورج" خنکا

١٣٩٨/٠٥/٣١ - ٢٢-٠٨-٢٠١٩ - ١٢:١٧ تاران

"محەممەد نەزەری" نامەیەکی بڵاو کردەوە

١٣٩٨/٠٥/٣١ - ٢٢-٠٨-٢٠١٩ - ١٢:٠٨ تاران

کتێبفرۆشیی "هەنار" لە شاری ئیلام داخرا

١٣٩٨/٠٥/٣١ - ٢٢-٠٨-٢٠١٩ - ١١:٣٤ تاران

هاووڵاتییەکی کورد لە شاری سنە دەسبەسەر کرا

١٣٩٨/٠٥/٣٠ - ٢١-٠٨-٢٠١٩ - ١٧:٤٩ تاران

هاووڵاتییەکی دیکە لە شاری دەماوەند دەسبەسەر کرا

١٣٩٨/٠٥/٣٠ - ٢١-٠٨-٢٠١٩ - ١٢:١٢ تاران

هەڵەی پزیشکی، گیانی ژنێکی دووگیانی ئەستاند

١٣٩٨/٠٥/٢٩ - ٢٠-٠٨-٢٠١٩ - ١٣:١٠ تاران

سێ هاووڵاتیی کورد لە شاری دەماوەند دەسبەسەر کران

١٣٩٨/٠٥/٢٩ - ٢٠-٠٨-٢٠١٩ - ١١:٢٧ تاران

دوو لاوی مەریوانی دەسبەسەر کران

١٣٩٨/٠٥/٢٨ - ١٩-٠٨-٢٠١٩ - ١٣:٠٧ تاران

قامکەکانی دەستی کۆڵبەرێک دەقرتێنرێت