رۆژنامەی "جامی جەم"ی حکوومەتی ئێران سووکایەتی بە یارسانەکان کرد + وێنـــە

١٣٩٢/٠٥/١٦ - ٠٧-٠٨-٢٠١٣ - ١٦:١٦ تارانچاپكردنی ئه‌م بابه‌ته‌ژماره‌ی بینینی بابه‌ت١٨٥١ قه‌باره‌ی فۆنت: قه‌باره‌ی نووسراوه‌ گه‌وره‌ بكه‌قه‌باره‌ی نووسراوه‌ بچووكتر بكه‌‌

رۆژنامەی ئاژانسی کوردپا: یەکێک لە رۆژنامەکانی چاپی تاران بە بڵاو کردنەوەی کاریکاتێرێک، نیگەرانیی و ناڕەزایەتیی لای پەیڕەوانی ئایینی یاری پێکهێنا.

بەپێی راپۆتی ئاژانسی هەواڵدەریی کوردپا، رۆژنامەی "جام جم"ی چاپی تاران لە لاپەڕی کۆتایی رۆژی یەکشەممە رێکەوتی ١٣ی گەلاوێژی خۆیدا بە بڵاو کردنەوەی کارێکەتێرێک، شەپۆلێکی بەرینی ناڕەزایەتیی لە نێوان پەیڕەوانی ئایینی یاریدا دروست کرد.

یەکێک لە لاپەڕەکانی سەربە ئایینی یارسان لە تۆڕی کۆمەڵایەتیی فەیسبووک ئەو کاریکاتێرەی سووکایەتی کردن بە پەیڕەوانی ئایینی یاری لەقەڵەم دا.

14458.jpg
پێشتریش رۆژنامەکانی سەربە ناوەندە حکوومەتییەکانی ئێــران سووکایەتی و بێ حورمەتییان بە باوەڕ و نەتەوەکانی ئیران کردبوو کە رۆژنامەی "ئێران لە رێکەوتی ٢٢ی بانەمەڕی ساڵی ١٣٨٥ی هەتاویدا سووکایەتی بە "ئازەری" کرد و دواتر شەپۆلێکی بەرینی ناڕەزایەتیی هاووڵاتییانی ئازەری لێکەوتەوە.

هاووڵاتییان رایانگەیاندووە، "کیومەرس تەمەناک" کە لە زیندانی ناوەندیی شاری هەمەدان لەلایەن هێزە حکوومەتییەکانەوە سمێڵی تاشرابوو پیشەی "بۆیاخچی" بووە کە لەو کاریکاتێرەدا ئاماژە بە کەسێکی بۆیاخچی دەکات کە بە سمێڵی خۆی سەرقاڵی بۆیاخ کردنی پێڵاوە.

یەکێک لە چالاکانی یارسانی بە هەواڵنێری کوردپای راگەیاند: بڵاو بوونەوەی ئەو کاریکاتێرە بە ئەقەست و بەشێوەی سیستماتیک بووە، چونکە هەتا ئیستا کاریکاتێکی لەم چەشنە بڵاو نەبۆتەوە و بەتایبەت ئەمە لە کاتێکدا بڵاو بوویەوە کە ٣ هاووڵاتیی یارسانی بەهۆی سووکایەتیی ناوەندە حکوومەتییەکانەوە ئاگریان لە جەستەی خۆیان بەردا.

14457.jpg
رۆژنامەی "جام جم" لە ساڵی ١٣٧٩ی هەتاوییەوە بە خاوەن ئیمتیازیی "ناوەندی دەنگ و رەنگی ئێران" لەسەرتاسەری ئێراندا بڵاو دەبێتەوە.

بەهۆی سووکایەتی کردنی هێزە حکوومەتییەکان بە کیومەرس تەمەناک لە زیندانی ناوەندیی شاری هەمەدان، ٣ هاووڵاتیی یارسانی بەنیشانەی ناڕەزایەتی دەربڕین ئاگریان لەجەستەی خۆیان بەردا.

یارسانییەکان بڕاویان ئەوەیە کە رۆحی مرۆڤ لە پاش مەرگ لە جەستەی کەسێکی دیکەدا دێتەوە سەر زەوی و هەروەها هێشتنەوەی سمێل بە یەکێک لە پیرۆزییەکانی خۆیان دادەنێن، بۆیە ئەم سوننەتە کارێکی وای کردووە کە هەندێک جار نەیارانی یارسان بۆ ئەزیەت کردنی پەیرەوانی ئەو ئایینە، سمێڵی شوێن کەوتووانی ئایینی یاری دەتاشن.

ئایینی یارسان سەدەی حەوتەمی هیجری لەلایەن "سەید ئیسحاق بەرزەنجەیی" ناسراو بە "سوڵاتان سەهاک" بنیات نراوە.

ئایینی یارسان لە یاسای بنەڕەتیی ئێراندا وەک کەمینەی ئایینی بەفەرمی نەناسراون و لەم چەند ساڵەی رابردوودا وەک "تاقمێکی ئایینی" ناویان لێنراوەو ئەمەش ناڕەزایەتیی پەیڕەوانی ئەو ئایینە و هەروەها ئەحمەد شەهید رێپۆرتێری تایبەتیی رێکخراوی نەتەوە یەکگرتووەکانی بەدواوە بووە.
Balatarin

نوێترین هەواڵ


١٣٩٨/٠٢/٢٩ - ١٩-٠٥-٢٠١٩ - ١٨:٣٠ تاران

دوو کۆڵبەری کورد لە پیرانشاردا بریندار بوون

١٣٩٨/٠٢/٢٩ - ١٩-٠٥-٢٠١٩ - ١٢:٠٠ تاران

ئیتلاعات، هاووڵاتییەکی مەریوانیی دەسبەسەر کرد

١٣٩٨/٠٢/٢٩ - ١٩-٠٥-٢٠١٩ - ١٠:٢٠ تاران

دەسبەسەرکردنی خوێندکارێکی کورد لە مەریواندا

١٣٩٨/٠٢/٢٧ - ١٧-٠٥-٢٠١٩ - ١٢:١٥ تاران

سپای پاسداران، کاولکاری سەرەکیی سروشتی کوردستانە

١٣٩٨/٠٢/٢٧ - ١٧-٠٥-٢٠١٩ - ١١:١٧ تاران

خۆکوژیی ژنێک لە کرماشاندا

١٣٩٨/٠٢/٢٥ - ١٥-٠٥-٢٠١٩ - ١٣:٥٧ تاران

بانگی زانیاریی پێشێلکارانی مافی مرۆڤ لە کوردستان