Civak: Bahozên xwê yên ku hemû li benda wê bûn, hêdî hêdî tên xuyakirin!
2013-10-14 09:27Çap‌Binin844 Qebarei Font: Bigger‌Smaller

Civak: Bahozên xwê yên ku hemû li benda wê bûn, hêdî hêdî tên xuyakirin!CAPK
Li gorî raporên herî dawiyê ji Kurdistanê, bahozên xwê yên gola Urmiyê ku ber bi zuhabûnê ve diçe, hêdî hêdî rê dikevin û bûye sedema tirs û nigeraniya xelkê bajarê Urmiyê û deverên devrdorê.

Dîtina bahozên tejî bi xwê ku bi salane pisporê jîngehê hişyarî li ser dane û xebat û hewildan bona balkişandina rayedarên Îran li ser mijarê kirine, niha wek xeterek bi rastî û xwedî tirs û xof roj bi roj zêde dibe û wê her zêdetir bibe.

Bandora nigatîv a bahozê xwê, wê bi milyon mirovan mecburî penaberî, bêmal û bêxanîtiyê bike û devera Urmiye û herwiha herêmên dûr ji Urmiyê wê ber bi guhertinê û ber bi çolbûnê herin.

Bêxemiya rayedarên Komara Îslamî hemberî wê felaketa jîngehî ku bi salane berdewam e, wê bêşik bibe sedema xesar û lêçûnên giran bo hemû Îranê û bi xasmayî bo xelkê Kurdistanê û Azerbaycanê.

Zêdebûna van bahozên bi xwê, çandinî û ziraeta devera Urmiye ku wek xîmê aboriya gel û deverê tê zanîn têk dibe û gorî îstatîstîka berdest wê zêde li sê milyon însanan li jiyan çandinê bêpar bibin û mecbûrî koçberiyê û bêkariyê bibin, erdê dewlemnd ê devera Urmiyê wê bibe çol û xîzê sipî.

Digel pêşdeçûna wê rewşa îroyî, gola Urmiyê wê heta sê salên din bi tevahî zuha bibe û li gorî pisporan di wê demê de, gola Urmiye wek mezintirîn gola ava şor cîhanê, wê 10 milyard ton xwê wek toz û doman li ser serê deverê belav bike.

Ew tişta ku bo hemû kesê zelal e, ew e ku heger berpirsiyarên Komara Îslamî çareseriyek bilez û pêdivî bona xilaskirina gola Urmiye pêk neînin, emê şahidê bêtara xwezayiyek gelek mezin li ser jîngeh, aborî, çandinî û jiyana civakî bin.

Em û cîhan bi giştî şahidê qeder û bextê gola Aral li Asiya navîn de bûne, ku bi sedema siyaseta şaş a sîstema Soviyeta berê, îro gola Aral bûye serekaniya belavbûna bahozên xwê.

Ji bilî mirina ekosîstema deverê, mirina masiyên cur be cur, têkçûna jiyana heywanan û çol û zuhabûna deverê, bi sedan nexweşî derketine holê.

Bajarê Moynaq li nêzîkatiyê gola Aral ku zemanekê bajarekî benderî bû û xelkê wê bi girtina masiyan jiyanek dewlemend û rihet hebûn, îro wek çolekî bi rengê sipî û tejî bi xwê lê hatiye, dema mirov li wir dimîne çavê mirov dest bi şewitandinê dikin û bi nefes kişandina hevayê wê pişika mirov dişewite, gelo ma bajarê Urmiyê û deverên wê benda qedera bajarê Moynaqê de ye ?

Hemu hêzên siyasî, sivîl , olî ji Kurd bigire heta Azerî û hemû xelkê Îranê divê yekdest û yekdeng bo rigariya Gola Urmiye dibe ku dengê xwe bilin bikin û bigehînin rayedarên Komara Îslamî ya Îranê û hemû cîhanê.

Ciavaka Aştî û Pêşveçûna Kurdistanê
Swêd-Stockholm
2013-10-10
Balatarin

Nûtirîn nûçe


1395/09/06 - 2016-11-26 - 13:48

Li Eskîşehrê 16 mamosta hatine binçavkirin

1395/08/24 - 2016-11-14 - 17:33

Teqîna “Mîn”ê 2 hemwelatî birîndar kirin

1395/08/19 - 2016-11-09 - 13:04

Du girtiyên din ên kurd hatin darvekirin