كۆنگرەی مامۆستا عەلامە ئەحمەد نۆدشی بەڕێوە دەچێت

١٣٩٠/١١/١٩ - ٠٨-٠٢-٢٠١٢ - ١٣:٤٢ تارانچاپكردنی ئه‌م بابه‌ته‌ژماره‌ی بینینی بابه‌ت٥٠٠٩ قه‌باره‌ی فۆنت: قه‌باره‌ی نووسراوه‌ گه‌وره‌ بكه‌قه‌باره‌ی نووسراوه‌ بچووكتر بكه‌‌

كۆنگرەی مامۆستا عەلامە ئەحمەد نۆدشی بەڕێوە دەچێتكوردپا: لەلایەن كۆمەڵێك لە چالاكانی فەرهەنگی و زانستیی هەورامان بە مەبەستی ئاوڕدانە و هەڵسەنگاندنی پێگەی زانستی و فەرهەنگیی "حاجی مامۆستا عەلامە ئەحمەد نۆدشی" كۆنگرەیەكی تایبەت بەو بۆنەیە رێك دەخرێت.

ماڵپەڕی چوار وەرزی نۆدشە لە راپۆرتێكدا بڵاوی كرۆدتەوە، كۆمەڵێك لە چالاكانی فەرهەنگی و بەرپرسانی دەوڵەتی لە ناوچەی هەورامان بڕیاریان داوە بە مەبەستی رێز دانان و ناساندنی زیاتری پێگەی زانسی و ئایینیی "حاجی مامۆستا عەلامە ئەحمەد نۆدشی" لە سەرەتای ساڵی داهاتوودا كۆنگرەیەكی تایبەت و بەرفراوان رێك بخەن.

مەلا ئەحمەد نۆدشی كوڕی زانای ناودار حاجی مەلا عەبدولڕەحمان كوڕی مەلا ئەحمەدی یەكەم موفتیی گەورەی شاری سلێمانیەیە كە ساڵی (١٢٦٤ ـ ١١٩٠هەتاوی) لە نۆدشە لەدایك بووە و لەلای باوكی زانستە دینییەكان فێر بووە و دواتر لەلای زانایانی وەك: عەلامە حاجی عەبدوڵڵا خەرپانی و عەلامە مەلا محەممەد خەتی لە ناوچەی رواندز وانەی خوێندووە.

پاشان بۆ پێگەیاندنی منداڵانی كورد لە مزگەوتەكانی "مەڵكەندی"ی سلێمانی و "مزگەوتە "قووڵە"ی نۆدشە و مزگەوتی "مەولانا"ی شاری سنە وانەی وتۆتەوە و بۆ ماویەكیش موفتی گەورەیی شاری سلێمانی بووە و لە ماوەی ژیانیدا بۆ فێربوونی زانست و زانیاریی دینی سەردانی عێراق، شام (سووریە) و حەڵەب و میسر و عەرەبستانی كردووە.

عەلامە ئەحمەد نۆدشی خاوەنی پێگەیەكی بەرزی ئایینی و كۆمەڵایەتییە و كەسانێكی وەك مەولەوی شاعێری گەورەی كورد، میرزا عەبدولمەجید مەجدی ناسراو بە مەلەكولكەلام سەقزی و مەلا عەبدولكەریم مودەڕەس لەباری زانست و پێگەی ئەو زاتەوە رای خۆیان دەربڕیوە.


لە ماوەی ژیانیدا گەلێك قوتابیی پەروەردە كردووە و كەسانێكی وەک: عەلامە عەبدولڕەحمان پێنجوێنی، مەلا عەبدولقادر بیارە، سەید ئەحمەد فایز بەرزنجی، مەلا مەجید مینبەری، مەلا عەبدوڵڵا موفتی، مەلا مارف نۆدشی، شێخ سەلیم تەختەیی، مەلا عەبدولعەزیم مەجتەهدی و مەلا عسامەدەین نۆدشی و ... لەلای پەرەوەردە كراون و ئیزنیان وەرگرتووە.

عەلامە ئەعمەد نۆدشی لە بوارەکانی: فەلسەفە، ئەدەبیاتی عەرەب، بیرکاری، ئەستیرەناسی و کەلامدا ٍارەزاییەکی باٍی هەبووە و لە بواری عیرفان و مەعنەوییەتدا هیندە شارەزا بووە کە بە "زولجەناحەین" ناناوبانگی دەر کردووە، گلکۆی ئەو زاتە بەرزە لە شاری سنە و لە تەپۆڵکەی "شەرەفەلەلمولک"ە.

كۆنگرەی یادی مەلا ئەحمدی نۆدشی لە سەرەتای ساڵی 1391دا لە شاری پاوە بەڕێوە دەچێت كە داوا لە لێكۆڵەران، نووسەران و شارەزایانی بواری ئایینی كراوە بۆ دەوڵەمەند كردنی ئەو كۆنگرەیە بابەت و وتار رەوانەی دەبیرخانەی كۆنگرە بكەن كە دواتر رادەگەنرێ‌.
Balatarin

نوێترین هەواڵ


١٣٩٧/١٢/٢٧ - ١٨-٠٣-٢٠١٩ - ١٦:٣٠ تاران

ڕێز لە هونەرمەندی کورد، عەلی عابدی گیرا

١٣٩٧/١٢/٢٧ - ١٨-٠٣-٢٠١٩ - ١٢:٣٧ تاران

نەورۆزانەی ڤەژین کتێبی کوردییە

١٣٩٧/١٢/٢٧ - ١٨-٠٣-٢٠١٩ - ١٠:٥٣ تاران

گرووبانێکی هێزە ئینتزامییەکان لە شاری بانە کوژرا

١٣٩٧/١٢/٢٦ - ١٧-٠٣-٢٠١٩ - ١٢:٥٣ تاران

گوندی "ساتیاری" بە پێشوازیی نەورۆزەوە چوو

١٣٩٧/١٢/٢٦ - ١٧-٠٣-٢٠١٩ - ٠٩:٥٥ تاران

خۆکوژی کچێکی لاو لە شاری جوانڕۆ

١٣٩٧/١٢/٢٦ - ١٧-٠٣-٢٠١٩ - ٠٩:٣٠ تاران

لاوێکی تەنگیسەری لە شاری دیواندەرە دەسبەسەر کرا

١٣٩٧/١٢/٢٥ - ١٦-٠٣-٢٠١٩ - ١٠:٠٨ تاران

لێدانی کۆڵبەرێکی کورد لە سنووری شاری نەوسوود

١٣٩٧/١٢/٢٤ - ١٥-٠٣-٢٠١٩ - ١٠:٢٣ تاران

لاوێکی سەقزی لە لایەن سپای پاسدرانەوە دەسبەسەر کرا